Global Vedh, जीवन की पाठशाला, Dr. Anand Nadkarni, IPH Vedh, Thane, Pune



	तुमचा प्रिय 'वेध' बनतो आहे 'ग्लोबल वेध'! सुहृदहो, आपण वेधशी कोणत्या ना कोणत्या प्रकारे जोडले गेले आहात. Avahan IPH या युट्युब चॅनेलवर तुम्ही वेधच्या मुलाखती पहिल्या असतील, प्रत्यक्ष वेध सोहळ्यामध्ये उपस्थिती नोंदविली असेल, तुम्ही वेध कार्यकर्ता असाल किंवा, तुम्ही वेध फॅकल्टीही असाल. बाह्यत्कारी तुमची ओळख वेगवेगळी असली तरी अंतर्यामी तुम्ही वेध परिवाराचे सदस्य आहात. आणि नसलात तरी आता तुमचे या परिवारात स्वागत आहे. वेधच्या उत्क्रांतीचा पुढचा टप्पा आहे ९९ वा वेध - "ग्लोबल वेध". सर्व भौगोलिक मर्यादा ओलांडून वेध येतो आहे चक्क तुमच्या घरात फेसबुक आणि यू ट्यूब च्या माध्यमातून . डॉ. आनंद नाडकर्णी त्यांच्या सहकारी मुलाखतकारांसह सीमेपलिकडच्या वैशिष्ट्यपूर्ण माणसांशी संवाद साधणार आहेत. माहिती संप्रेषण तंत्रज्ञानामुळे हे चक्क साकार होणार आहे - अगदी लवकर! ऑगस्ट २०२० पासून डिसेंबर २०२० पर्यंत दर महिन्याच्या शेवटच्या शनिवारी संध्याकाळी ७ वाजता हा ९९ वा वेध साजरा होईल. या वेधमध्ये सहभागी होण्यासाठी कोणतेही प्रवेशमूल्य नाही. वेधचे राज्यव्यापी संस्कारपीठ आता अखिल जगताला गवसणी घालण्यासाठी सिद्ध होते आहे. यासाठी तुमची माहिती वेधच्या विदागाराला (डेटाबेसला) हवी आहे. नव्या "ग्लोबल वेधचे" सर्व अपडेट्स, सर्व माहिती थेट तुमच्यापर्यंत पोहोचावी यासाठी खाली दिलेला लहानसा फॉर्म भरा. नातेवाईकांना, मित्र-मैत्रिणींनाही हा फॉर्म पाठवा, त्यांनाही वेध बृहद-परिवारात सहभागी करून घ्या. हातात कॉफीचे, चहाचे कप घेऊन निवांतपणे या ग्लोबल वेधला नवा आयाम देऊया. "सुदृढ मन सर्वांसाठी" या सूत्रात ग्लोबल वेधची रत्ने ओवूया, समृद्ध होऊया! - ग्लोबल वेध संयोजन समिती गूगल फॉर्म लिंक https://forms.gle/TEMnHUyMryq7rBBz8